Está a funcionar o Punto de información catastral (PIC) do concello de Baños de Molgas, ubicado na propia Casa do Concello (R/ Samuel Glez Movilla, 2-Baños de Molgas, CP 32701, Tfno 988430000) en horario de luns a venres de 9:00 a 14:00.

PERFIL DO CONTRATANTE

De conformidade co Acordo da Xunta de Goberno Local de data 20 de maio de 2008, por medio do presente anuncio efectuase convocatoria do procedemento aberto, oferta económicamente máis vantaxosa, varios criterios de adxudicación, para a adxudicación do contrato de servizos de redacción do PXOM do Concello de Baños de Molgas, conforme aos seguintes datos:

1. Entidade adxudicadora.
a) Organismo: Concello
b) Dependencia que tramita o expediente: Secretaría
c) Número de expediente: 01/08

2. Obxecto do contrato.
a) Descrición do obxecto: Redacción do PXOM do Concello de Baños de Molgas.
b) Prazo de execución ou data límite de entrega: 42 meses.

3. Tramitación, procedemento:
a) Tramitación: Ordinaria.
b) Procedemento: Aberto

4. Orzamento base de licitación. Importe total: 93.009,77 euros, e 17.716,15 euros correspondentes ao Imposto sobre o Valor Engadido.

5. Garantía provisional: 3.000 €

6. Obtención de documentación e información.
a) Entidade: Concello.
b) Domicilio: R/ Samuel Glez Movilla, 2
c) Localidade e código postal:Baños de Molgas-32701.




d) Teléfono: 988430000
e) Telefax: 988430393
f) Data límite de obtención de documentos e información: Seis días antes de remata-lo prazo de presentación de proposicións.

7. Presentación das ofertas de participación.
a) Data límite de presentación: 15 días a partires do seguinte ó da publicación no BOP e no perfil do contratante
b) Lugar de presentación: Concello.
1. ª Domicilio: R/ Samuel Glez Movilla, 2.
2. ª Localidade e código postal: Baños de Molgas-32701.

8. Apertura das ofertas.
a) Entidade: Concello.
b) Domicilio: R/ Samuel Glez Movilla, 2.
c) Localidade: Baños de Molgas
d) Data: O día seguinte hábil tra-la finalización do prazo de presentación das proposicións.
e) Hora: ÁS 12 horas.

9. Gastos de anuncios: Por conta do adxudicatario

10. Perfil de contratante onde figuren as informacións relativas á convocatoria e onde poden obterse os Pregos: www.concellodemolgas.com.

En Baños de Molgas, a 23 de maio de 2008.

O Alcalde,


Asdo. : Eladio Mangana Nóvoa.

PRESCRICIÓNS TÉCNICAS PARA A REDACCIÓN DUN PLAN XERAL DE ORDENACIÓN MUNICIPAL
1. OBXECTO
O presente documento ten por finalidade establece-los requisitos técnicos para a redacción dun Plan xeral de ordenación municipal (en diante PXOM). O seu contido se axusta ao disposto na Lei 9/2002, de 30 de decembro, de ordenación urbanística e protección do medio rural de Galicia, coas modificacións que nela introduciron a Lei 15/2004, de 29 de decembro, e a Lei 6/2007, do 11 de maio, de medidas urxentes en materia de ordenación do territorio e do litoral de Galicia. Se axusta así mesmo ao Regulamento de planeamento aprobado por Real Decreto 2159/1978, de 23 de xuño (en diante RP), naquelas cuestións que non se opoñen ao disposto nas leís citadas. En todo o que non quede especificado neste prego serán de aplicación os preceptos da lexislación citada. Igualmente serán directamente aplicables as determinacións que conteñan as Normas Técnicas de Planeamento que sexan aprobadas pola Xunta de Galicia de acordo co previsto no artigo 50 da Lei 9/2002.
Os concellos que obtivesen unha axuda da Xunta de Galicia para a elaboración dun PXOM deberán integrar estas prescricións nos pregos de condicións que se empreguen no proceso de contratación. En consecuencia, estas prescricións técnicas serán de obrigado cumprimento para o contratista ao que se lle encomende a redacción do PXOM, sen prexuízo doutras condicións que se lle impoñan.
2. PRESCRICIÓNS DE CARÁCTER XERAL
Composición e solvencia técnica do equipo redactor:
Sen prexuízo das demais condicións que conteña o prego de cláusulas económicas e administrativas, e de acordo co disposto no artigo 84.1 e 84.2 da Lei 9/2002, o equipo redactor do PXOM terá carácter multidisciplinar, composto por un mínimo de tres especialistas con titulación universitaria de segundo ou terceiro ciclo, dos que como mínimo un deles será arquitecto ou enxeñeiro de camiños, canais e portos.
Para os efectos de acreditar a súa solvencia técnica para a participación na licitación do contrato de redacción do PXOM, e sen prexuízo das demais condicións que se impoñan, o equipo deberá acreditar o compromiso de ter como director do plan, con capacidade de representación suficiente, a un especialista con titulación universitaria de 2º ou 3º ciclo, responsable da dirección do equipo redactor durante todo o tempo de redacción do plan. Deberá acreditarse a experiencia do director do plan en proxectos de natureza análoga nos que participase, e para tal efecto se deberá achegar unha relación detallada na que se exprese:
• Traballos de urbanismo realizados e aprobados definitivamente, diferenciando:
 Figuras de planeamento xeral (plan xeral de ordenación, proxecto de ordenación do medio rural, normas subsidiarias, delimitacións de solo urbano).
 Traballos de planeamento de desenvolvemento (plans parciais, plans de sectorización, plans especiais).
• Traballos de urbanismo en realización no intre da licitación.
• Outros traballos de urbanismo realizados: figuras non aprobadas definitivamente, outro tipo de figuras, etc.
Esta relación de traballos deberá acreditarse por medio de certificacións expedidas pola administración que contratou, tramitou ou aprobou o plan.
Non se valorará a experiencia profesional, aínda que estea correctamente acreditada, naqueles casos en que o planeamento redactado fose anulado por sentenza xudicial firme ou suspendido pola administración competente.
Funcións do equipo redactor:
Ademais da súa función primordial de elaborar os documentos escritos e gráficos dos que se compón o PXOM, o equipo redactor debe desenvolver estas outras funcións:
- Recompilación da información previa necesaria (cartográfica, fotográfica, documental, de campo, etc.).
- Asistencia e apoio ao Concello nos procesos de exposición pública do avance (caso de que se realice) e de información ao público, así como emitir informe de cada unha das suxestións e alegacións que se presenten neses trámites.
- Asesoramento técnico ao Concello nos procesos e trámites de elaboración do plan xeral (convenios con particulares ou organismos, cumprimento de informes, etc.)
- Entrega ao Concello, en cada fase de tramitación, das copias completas do traballo que sexan precisas a fin de acadar informes sectoriais, someter a información ao público, etc. De non establecerse outra cousa no contrato, esta obriga se limita a 6 (seis) copias en cada unha das fases. As entregas realizaranse nas condicións que se detallan no apartado correspondente deste prego.
Idioma:
TÓDOLOS DOCUMENTOS INTEGRANTES DO PLAN REDACTARANSE EN IDIOMA GALEGO, SEN PREXUÍZO DE QUE POLO CONCELLO SE SOLICITE, ADEMAIS, UNHA TRADUCCIÓN Ó CASTELÁN.
Formato dos documentos:
Textos:
Os documentos escritos elaboraranse por medio de procesador de textos, e se presentarán axeitadamente encarpetados, con numeración de tomos e páxinas, e con índices; expresarán con claridade o seu título, orde dentro do conxunto, data de realización, fase á que se refiren, e identificación do equipo redactor. Deberán estar asinados alomenos polo director do equipo. Ademais das copias en papel se entregarán os ficheiros de texto correspondentes en soporte dixital.
Planos:
Todos os planos elaboraránse mediante técnicas de debuxo asistido por ordenador. As follas dividiranse preferiblemente en tamaño DIN A1; en todas figurará unha cartela informativa que conteña como mínimo o nome do Concello e título do traballo, equipo redactor, data, fase, escalas e nome do plano; en todas figurará asemade a cartela de simboloxía, na que queden explicadas as significacións de tódolos símbolos gráficos empregados, así como un gráfico distribuidor de follas.
As copias en papel que se entreguen serán da máxima calidade de reprodución, de xeito que non se perda información da contida no orixinal. Os planos se presentarán pregados a tamaño DIN A4, soltos ou en funda individual, de xeito que poidan ser extraídos para o seu uso. Deberán estar asinados alomenos polo director do equipo.
Ademais das copias en papel, entregaranse os ficheiros correspondentes en soporte dixital.
Os planos elaboraranse ás escalas apropiadas para a mellor expresión dos contidos que a cada plano lle corresponden. Se empregará como base cartografía analítica de recente elaboración, coas actualizacións que resulten necesarias a fin de que reflicta o estado actual do territorio:
• Para planos do termo municipal se empregará como mínimo a cartografía 1/5000 facilitada pola Dirección Xeral de Urbanismo, ou outra máis actualizada ou de maior precisión. Os planos de información poderán presentarse a 1/5000 ou reducidos para obter maior expresividade ou comprensión de conxunto. Os planos de ordenación do termo municipal sempre se presentarán a 1/5000, sen prexuízo de que se poidan engadir posibles reducións.
• Para os núcleos rurais empregarase cartografía ou ortofotografía a escala 1/2000. Estas fontes poden ser as elaboradas para estes efectos no contexto do contrato de elaboración do PXOM ou as que se poidan obter por outros procedementos (fontes catastrais, cartografía ou ortofotografía doutros organismos, elaboración propia), pero en calquera caso debe presentar a definición e detalle propios da escala 1/2.000. En calquera caso, empregarase fotografía aérea para as fichas dos núcleos do análise do modelo de asentamento poboacional.
• Para o solo urbano (e no seu caso urbanizable) realizaranse como mínimo a escala 1/1000 ou no seu defecto 1/2000. En calquera caso se tratará de cartografía elaborada específicamente para esta finalidade, e o máis recente posible. Os planos de información poderán presentarse a 1/1000 ou reducidos para obter maior expresividade ou comprensión de conxunto. Os planos de ordenación sempre se presentarán a 1/1000 ou no seu defecto 1/2000, sen prexuízo de que se poidan engadir posibles reducións.
Forma de presentación:
Os planos e os tomos de documentación escrita presentaranse dentro de caixas que faciliten o manexo conxunto do documento. O volume total da documentación distribuirase de modo que cada unha das caixas nunca supere os 6 quilogramos de peso (de acordo coas recomendacións en materia de seguridade e saúde no traballo).
3. FASES DE ELABORACIÓN DO PXOM
Sen prexuízo da distribución dos aboamentos de honorarios, o proceso de elaboración técnica dos traballos de redacción do PXOM se considerará pautado polas seguintes fases:
- INFORMACIÓN URBANÍSTICA E DIAGNÓSTICO.
- DOCUMENTO DE INICIO OU AVANCE.
- DOCUMENTO PARA INFORME PREVIO Á APROBACIÓN INICIAL.
- DOCUMENTO PARA APROBACIÓN INICIAL.
- DOCUMENTO PARA APROBACIÓN PROVISIONAL E DEFINITIVA.
Información urbanística e diagnóstico:
A primeira fase consistirá na recollida da información de toda índole precisa para a elaboración dos traballos. Ademais dos aspectos aos que fai referencia o punto 2º do artigo 38 do Regulamento de planeamento, recollerase toda a información precisada no punto correspondente deste documento, así como nos documentos e guías elaboradas polo órgano ambiental para os efectos da avaliación ambiental estratéxica do PXOM.
Sen prexuízo de cal sexa a fonte de información (facilitada polo concello, por outros organismos, obtida sobre o terreo, etc.), o equipo redactor ten a obriga de procesala e formalizala de acordo coas prescricións que se detallarán neste documento.
Sobre a base da información recollida e procesada, o equipo redactor realizará, en coordinación cos servizos técnicos municipais e no seu caso con outros organismos administrativos de carácter sectorial, o diagnóstico socioeconómico e territorial do concello, que constituirá o elemento central da memoria xustificativa do PXOM e peza fundamental para a súa avaliación ambiental estratéxica.
Documento de inicio ou avance:
Unha vez realizado o primeiro diagnóstico para o PXOM, o equipo redactor elaborará o “documento de inicio”, de conformidade coa concepción e contidos que para este documento establecen a lexislación en materia de avaliación ambiental de plans e programas, e o órgano ambiental. O documento de inicio, de elaboración e tramitación obrigatoria, cumpre as funcións que a Lei 9/2002 encomenda ao avance do PXOM (que de acordo con esta Lei ten carácter facultativo).
O documento de inicio ten por finalidade servir de orientación á redacción do PXOM, e en consecuencia debe conter a estratexia, as directrices e os obxectivos xerais do plan, para o seu traslado ao órgano ambiental, que o someterá ao público e a outros organismos para posibles suxestións ou propostas, e elaborará o “documento de referencia”. Así pois debe ser redactado coa intención de ser claro, de tal modo que nos seus documentos se poidan observar as liñas mestras da ordenación, sen necesidade de descender ó grao de detalle propio do documento definitivo.
O documento de inicio expresará a estrutura territorial básica, amosando os problemas detectados e ofrecendo unha primeira aproximación das decisións de ordenación que deban adoptarse, sinalando, no seu caso, as alternativas posibles. Estará integrado polos seguintes documentos:
- Memoria: expresará o diagnóstico socioeconómico e territorial efectuado, no que atinxe á dinámica poboacional e económica e a correspondente habilitación de solo para darlle a cobertura que proporcionalmente demanda, ós problemas de índole territorial e urbanístico detectados, ás potencialidades do concello que cómpre desenvolver, á situación e solucións de mellora das dotacións da poboación (espazos libres, equipamentos e servizos), etc. Expresará, así mesmo, de xeito xeral e resumido, a vía legal que propón artellar para lle dar resposta ó diagnóstico elaborado. Nese senso adiantará os criterios de clasificación e cualificación de solo, de cualificación de dotacións, de programación de accións, etc.
En calquera caso, na elaboración desta memoria do documento de inicio, o mesmo que nas restantes fases do traballo, se buscará a maior claridade, precisión e síntese. Neste sentido, evitaránse as referencias ou descricións xenéricas ou universais, debéndose centrar nos datos e as circunstancias propias e concretas do concello ao que se refire o PXOM. Evitaráse, así mesmo, reiterar ou reproducir contidos da lexislación ou outros de carácter xeral.
- Planos: incluiránse un ou varios planos, nos que se reflectirán a información básica e o diagnóstico elaborado. Para tal efecto conterán polo menos a identificación dos asentamentos de poboación (distinguindo os urbanos dos núcleos rurais), dos sistemas xerais que integran a estructura xeral e orgánica do territorio (viario, redes de infraestruturas e transportes, espazos libres públicos e equipamentos públicos) e das áreas que deben ser protexidas (espazos naturais, rede hidrográfica, franxa litoral, zonas afectadas por incendios, montes, concentración parcelaria, fitos e sendas paisaxísticas, etc.).
Documento para informe previo á aprobación inicial:
Nesta fase deberá elaborarse toda a documentación que integra un PXOM de conformidade co que dispoñen o artigo 61 da Lei 9/2002 (coas modificacións introducidas pola Lei 6/2007) e concordantes do regulamento de planeamento, como se detalla nos correspondentes puntos deste documento.
O documento que se elaborará nesta fase incluirá o “informe de sostibilidade ambiental” (ISA), elaborado de conformidade co “documento de referencia” que o órgano ambiental lle remita ao concello, para os efectos da avaliación ambiental estratéxica do PXOM.
O documento de PXOM elaborado nesta fase é o que o concello someterá ao informe previo á aprobación inicial da Consellería de Política Territorial, Obras Públicas e Transportes previsto no artigo 85.1 da Lei 9/2002.
Documento para aprobación inicial:
O equipo redactor deberá introducir nos documentos do PXOM as correccións ou modificacións necesarias para emendar as deficiencias que indique o informe que emita a Consellería de Política Territorial, Obras Públicas e Transportes de conformidade co artigo 85.1 da Lei 9/2002. O PXOM así conformado será o que se someta ao Pleno do concello para que resolva sobre a súa aprobación inicial.
Este documento será, así mesmo, o que se someta ao proceso de información pública previsto na Lei 9/2002 e na lexislación sobre avaliación ambiental estratéxica, nos termos en que o expresa a Lei 6/2007.
Logo de realizarse a devandita información pública e máis as consultas previstas no proceso de avaliación ambiental estratéxica, o equipo redactor deberá emitir informes nos que se valore o contido das alegacións ou suxerencias presentadas, e se propoña a súa estimación ou desestimación, así como no seu caso as modificacións que cumpriría introducir no PXOM.
Igualmente, o equipo redactor elaborará un informe ou valoración dos informes de carácter sectorial que se teñan recibido dos organismos competentes, de conformidade co previsto no artigo 85.3 da Lei 9/2002 e na correspondente lexislación de carácter sectorial.
Finalmente, elaboraráse a proposta de “memoria ambiental”, para os efectos previstos na lexislación sobre avaliación ambiental estratéxica.
Documento para aprobación provisional e definitiva:
De acordo coas instrucións que para tal efecto lle indique o órgano municipal competente, o equipo redactor introducirá nos documentos do PXOM os cambios derivados das alegacións e suxerencias presentadas no período de información pública e consultas, así como dos informes sectoriais emitidos. O PXOM así conformado será o que se eleve ao Pleno do concello para que resolva sobre a súa aprobación provisional, e posteriormente o que se eleve á Consellería de Política Territorial, Obras Públicas e Transportes para a súa aprobación definitiva.
Se non se outorgase a aprobación definitiva (ou no seu caso se se concedese de xeito parcial), o equipo redactor deberá introducir nos documentos do PXOM as modificacións e correccións necesarias para emendar as deficiencias expresadas na resolución da Consellería. O PXOM así conformado será o que o concello elevará novamente á Consellería de Política Territorial, Obras Públicas e Transportes para a súa aprobación definitiva.
4. DOCUMENTOS QUE INTEGRAN O PLAN XERAL
De acordo co disposto no artigo 61 da Lei 9/2002 e 37 e seguintes do regulamento de planeamento, o PXOM estará integrado polos seguintes documentos:
- Memoria descritiva e xustificativa.
- Estudo do medio rural.
- Análise do modelo de asentamento poboacional.
- Planos de información.
- Planos de ordenación.
- Normas urbanísticas.
- Estratexia de actuación.
- Estudio económico.
- Catálogo.
Ademais dos expresados, que se consideran para tódolos efectos como documentación mínima, o PXOM conterá, segundo a fase de elaboración/tramitación, o informe de sostibilidade ambiental (ISA) e a proposta de memoria ambiental, como queda expresado no punto anterior. Así mesmo, conterá aqueles outros documentos que segundo o caso se puideran considerar necesarios, de acordo coas condicións concretas establecidas no contrato.
Para cada un dos documentos expresados se establecen a continuación as prescricións técnicas sobre o seu contido.
Memoria descritiva e xustificativa:
A memoria do PXOM debe conte-la información urbanística xeral, o seu diagnóstico e a exposición e xustificación das solucións de ordenación adoptadas. Así mesmo expresará, en cada fase, o resultado dos trámites anteriormente producidos (exposicións ó público, informes sectoriais, etc).
A memoria estará composta de:
Información urbanística xeral:
O equipo debe recoller toda a información urbanística que resulte necesaria para a correcta elaboración do PXOM, no relativo ó medio físico, poboación, infraestruturas, edificacións e construccións, usos do solo, relacións municipais e comarcais, etc., tanto recompilando os datos existentes en arquivos ou outros fondos como efectuando os traballos de campo precisos para a actualización ou complemento deses datos.
Conterá todos os datos precisos referentes aos seguintes aspectos:
- Planeamento vixente.
- Antecedentes da tramitación do Plan xeral.
- Planeamento vixente e en redacción nos concellos limítrofes.
- Características da poboación e as actividades económicas e previsión sobre a evolución delas. Analizaráse particularmente a dinámica de produción de vivenda nos últimos anos e o estado do parque actual de vivendas.
- Análise da incidencia da lexislación sectorial vixente en materia de protección do medio ambiente, espazos naturais, patrimonio cultural, costas, estradas, augas, cemiterios, defensa, ou calquera outra de aplicación no termo municipal.
- Análise das previsións sobre actuacións programadas por organismos públicos ou por entidades privadas no termo municipal. Tanto no referente a infraestruturas de comunicación ou servizos como a actuacións urbanísticas concretas (instalacións, construccións ou preparación de solo).
- Estado actual dos servizos (abastecemento de auga, saneamento, distribución de enerxía eléctrica, telefonía, gas, alumeado público), así como estudo técnico sobre a capacidade destes servizos para satisfacer tanto as demandas actuais como as derivadas da ordenación do PXOM.
- Estado actual da rede viaria do termo municipal, diferenciando as distintas xerarquías e titularidades.
- Inventario dos espazos libres e equipamentos existentes, identificando cada elemento, a súa superficie, titularidade e estado actual. Estudo sobre a actual cobertura dotacional, no que se detecten as posibles carencias ou disfuncionalidades existentes.
- Estado e características das edificacións e construcións existentes nos ámbitos de solo urbano (alturas, tipoloxías, materiais, criterios compositivos, etc.).
- Estudo descritivo e identificativo da malla urbana existente, de acordo co exposto no artigo 11 da Lei 9/2002.
Descrición da ordenación:
Exposición descritiva dos obxectivos e criterios do plan, e das solucións de ordenación adoptadas para cada unha das súas determinacións básicas: estructura xeral e orgánica do territorio, clasificación do solo, ordenación e determinacións establecidas en cada unha das distintas clases de solo, determinacións relativas á xestión e execución do plan, estratexia e estudo económico.
De xeito específico deberán expresarse os seguintes extremos:
- Cadro no que se expresen as superficies de cada clase de solo, especificando as correspondentes a cada unha das categorías establecidas dentro de cada clase.
- Capacidade máxima residencial derivada do plan: edificabilidade residencial total prevista, distinguindo entre as diferentes clases e categorías de solo.
- Dotacións urbanísticas (espazos libres, equipamentos, prazas de aparcamento) diferenciando entre tipos de dotacións e expresando para cada unha a súa superficie (ou número de unidades), condición (sistema xeral ou dotación local), carácter (existente ou previsto) e titularidade (pública ou privada).
Xustificación das determinacións:
A xustificación do contido do PXOM debe producirse desde tres enfoques:
- Motivación das decisións de tipo discrecional: razóns polas que se optou por unha ou outra alternativa das diferentes posibles ó respecto de cada determinación básica.
- Xustificación do cumprimento dos estándares, indicadores, criterios ou límites establecidos pola lexislación urbanística e sectorial vixente.
- Xustificación da coherencia das determinacións do plan co contido dos instrumentos de ordenación do territorio.
Especificamente deberán quedar detallados os seguintes extremos:
- Congruencia da ordenación cos obxectivos e fins pretendidos polo propio PXOM, adaptación do plan ás características e complexidade do concello, e requisitos xerais de calidade da ordenación e das medidas de xestión, de acordo co disposto no artigo 52.2 e 52.3 da Lei 9/2002.
- Xustificación da proporcionalidade entre a capacidade residencial prevista polo PXOM e a demanda previsible, para motivar, de ser o caso, a clasificación de solo urbanizable de acordo co disposto nos artigos 15 e 32 da Lei 9/2002.
- Estudo comparativo dos estándares resultantes da ordenación do PXOM cos establecidos pola Lei 9/2002:
• Edificabilidades máximas para cada distrito de solo urbano e cada sector de solo urbanizable delimitado – artigo 46 da Lei 9/2002.
• Superficie de sistemas xerais de espazos libres e de equipamento comunitario público para todo o termo municipal – artigo 47.1 da Lei 9/2002.
• Superficies dotacionais locais en cada distrito de solo urbano e en cada sector de solo urbanizable delimitado – artigo 47.2 da Lei 9/2002.
- Xustificación de que a ordenación establecida responde ós criterios expostos nos artigos 46.1, 47.3, 48 e 104 da Lei 9/2002.
- Proteccións outorgadas ás zonas de solo rústico que de acordo co estudio do medio rural o precisen.
- Aptitude para o desenvolvemento urbanístico das áreas clasificadas como solo urbanizable.
- Xustificación das medidas adoptadas en materia de xestión urbanística (obtención de dotacións, delimitación de áreas de reparto, cálculo de aproveitamentos tipo, coeficientes de ponderación de usos).
- Xustificación detallada do cumprimento da lexislación sectorial que afecte á ordenación urbanística. Especificamente da Lei e regulamento de accesibilidade.

Estudo do medio rural:
De acordo co artigo 61.2 da Lei 9/2002, o estudo do medio rural é un documento informativo e de diagnóstico que serve de base para establece-las medidas tendentes á conservación e mellora das potencialidades intrínsecas do medio rural, é dicir, dos seus valores ecolóxicos, ambientais, paisaxísticos, históricos, etnográficos, culturais, ou do seu potencial como medio de producción económica (agropecuaria, forestal, mineira, enerxética, turística, etc).
Para tal fin o estudo do medio rural debe referirse, alomenos, ós seguintes aspectos:
- Características naturais do territorio: xeoloxía, topografía, climatoloxía, hidroloxía, etc.
- Potencialidades agraria, forestal, gandeira, mineira, hidrolóxica, etc.
- Zonas afectadas por incendios e zonas sometidas a concentración parcelaria.
- Montes veciñais en man común e montes públicos.
- Aptitude dos terreos para a súa transformación urbanística: pendentes, orientación, capacidade portante, contaminación, riscos naturais ou tecnolóxicos, etc.
- Usos actuais do solo: masas forestais, superficies cultivadas, terreos incultos, terreos ocupados por edificacións ou instalacións, etc.
- Valores ambientais existentes no territorio: espazos naturais, conformacións ou elementos naturais de interese (arboredos, vexetación autóctona, cursos de auga, zonas húmidas), refuxios ou enclaves faunísticos a protexer, etc.
- Elementos que conforman a paisaxe rural e as súas características principais: características das zonas de cultivo e de monte; relación entre as áreas edificadas, as zonas de cultivo e as de monte; orientación e tamaño das parcelas; características da edificación tradicional; tipo de peches rústicos, cómaros e outros elementos de topografía humana; textura, trazado e integración e relación do viario miúdo coas superficies productivas, etc. Delimitación das concas de interese paisaxístico.
Análise do modelo de asentamento poboacional:
De acordo co artigo 61.3 da Lei 9/2002, a análise do modelo de asentamento poboacional é tamén un documento informativo e de diagnóstico, que ten por finalidade fundamentar as medidas de ordenación coas que se garanta o axeitado tratamento das formas de asentamento tradicionais. Como consecuencia deberá centrarse nos seguintes aspectos:
- Relación de entidades de poboación existentes, con expresión do seu número de vivendas e de habitantes. Terase como base o último nomenclátor oficial, debidamente actualizado de ser preciso.
- Parroquias: delimitación, estructura territorial e xerarquía de asentamentos dentro de cada unha.
- Clasificación das entidades existentes por categorías: cidade, vila, aldea, barrio, lugar, casal, etc. Se tal división non resulta operativa polas características concretas do concello, deberán diferenciarse os tipos de entidades en atención ao seu tamaño, disposición, densidade, función, xerarquía, etc.
- Características dos asentamentos tradicionais: estructura do viario, características do parcelario, emprazamento das vivendas e das edificacións adxectivas, peches das parcelas, superficies comunitarias.
- Características das construccións tradicionais: elementos que conforman a unidade residencial/productiva e xeito en que se organizan arquitectonicamente, volume da edificación e xeometría das cubertas e das fachadas, materiais dominantes, cores.
- Para cada núcleo elaborarase unha ficha, composta de plano, fotografía e datos informativos:
• PLANO (OU ORTOFOTOGRAFÍA) A ESCALA 1/2000 ou de maior detalle. Debe representar tódalas edificacións existentes, entre as que deben quedar diferenciadas as vivendas, distinguindo entre as de carácter tradicional (pódese considera-la referencia cronolóxica de mediados do século XX) e as recentes. Igualmente reflectirá a topografía, parcelario, viario e espazos públicos, equipamentos, elementos de interese e calquera outra información territorial de interese. Neste plano se trazará a liña perimetral delimitadora do núcleo, axustada ao disposto no artigo 13 da Lei 9/2002.
• FOTOGRAFÍA AÉREA: vertical, preferiblemente en cor, cunha resolución que permita a identificación axeitada das imaxes, e correspondente ó voo máis recente dispoñible. De empregar ortofotografía para reflectir os datos expresados no punto anterior, deberán presentarse dúas imaxes dela, unha sen eses datos e outra con eles.
• Os DATOS recollidos na ficha serán os relativos a edificacións (número delas por cada tipo, densidade, disposición, antigüidade, usos, etc), parcelario (superficies medias, disposición, forma, etc), poboación, equipamentos, espazos libres, viario e servizos, elementos patrimoniais de interese, etc. Cada ficha expresará o grao de consolidación que se deduce das edificacións existentes en comparación coa ordenación prevista, en relación coa superficie abranguida na delimitación do asentamento tradicional (sen contar a área de expansión). Anexo a este prego se inclúe un modelo de ficha de núcleos.
Planos de información:
Deberán elaborarse os planos de información precisos para completar a información escrita, reflectindo todos aqueles aspectos que a súa comprensión precisa dun soporte gráfico:
- Topografía e pendentes.
- Redes e concas hidrográficas. Expresará ademais as zonas con riscos de inundación, así como as zonas onde existan augas subterráneas a protexer.
- Plano de usos do solo do termo municipal, no que se expresen os actuais usos do solo e os valores e potencialidades que presentan. Ademais expresará as zonas de maior valor agrícola, detallando as zonas que foron obxecto de concentración parcelaria desde o ano 1993 incluido; as zonas forestadas ou de monte, detallando as áreas que sufriron algún incendio forestal desde o ano 1998 incluído; os montes públicos e montes veciñais en man común.
- Estado actual da rede viaria do termo municipal, identificando cada vía, expresando as titularidades e grafiando as súas zonas de protección de acordo coa lexislación en materia de estradas.
- Estado actual dos servizos e infraestruturas do termo municipal: trazado e dimensións das redes, localización e características dos elementos funcionais (depósitos, depuradoras, subestacións eléctricas, vertedoiros, etc.).
- Plano de concas de interese paisaxístico e de áreas de respecto de elementos paisaxísticos a protexer
- Identificación de elementos do patrimonio cultural e natural.
- Identificación gráfica dos espazos libres e equipamentos existentes no termo municipal e nos núcleos de poboación, relacionándoos de acordo co inventario expresado na memoria informativa.
- Estado actual dos núcleos de poboación, con expresión das edificacións existentes e as súas alturas, estructura viaria e parcelaria, zonas de cultivo e arboredas colindantes, de acordo co expresado a respecto do análise do modelo de asentamento poboacional.
- Estado actual das zonas susceptibles da súa clasificación como solo urbano, expresando as edificacións existentes e as súas alturas, equipamentos e espazos libres existentes, o parcelario actual e a topografía dos terreos.
- Deberán elaborarse planos de información a escala axeitada (1/1000 ou 1/2000) sobre servizos urbanísticos nos ámbitos susceptibles de ser clasificados como solo urbano, de acordo co disposto no artigo 39.1 do Regulamento de planeamento. Nestes planos debe reflectirse o trazado e características das redes de servizos existentes (abastecemento de auga, saneamento, electricidade, alumeado público, rede de gas, telefonía, etc), sinalando correctamente a localización de elementos tales como rexistros, pozos de impulsión, depósitos, ou calquera outro punto das instalacións, e expresando detalladamente tanto as seccións dos condutos como o seu material.
Especificacións para a rede de saneamento:
• Deberá quedar especificado diámetro do tramo, dimensións das arquetas ou rexistros, material, antigüidade aproximada, pendente aproximada. Localización de pozos de bombeo, con expresión da súa capacidade e antigüidade.
• Deberán identificarse diferenciadamente as redes que recollen pluviais, fecais ou mixtas. [PARA OS EFECTOS DA CLASIFICACIÓN DE SOLO URBANO DEBE EXISTIR REDE Á QUE PODER EVACUAR EN CONDICIÓNS DE SALUBRIDADE AS AUGAS FECAIS, POLO QUE NON É SUFICIENTE A EXISTENCIA DE CONDUCTOS DE RECOLLIDA DE AUGAS PLUVIAIS, ESPECIALMENTE CANDO SE TRATA DO SIMPLE SISTEMA DE DESAUGADOIROS OU SUMIDOIROS DAS VÍAS OU ESPAZOS PÚBLICOS]
• Deben quedar perfectamente localizados os puntos de depuración existentes, especificando tipo de instalación (estación depuradora, fosa séptica, pozo de filtración), capacidade, antigüidade aproximada, estado de conservación e funcionamento.
• Igualmente deben localizarse os puntos de verquido da rede de saneamento, expresando se o verquido se produce a canle natural ou a terreo, e no primeiro caso expresando o caudal do canle, carácter permanente ou estacional, e situación no que atinxe ao estado de calidade das súas augas.
Especificacións para a rede de abastecemento de auga:
• Deberá quedar especificado para cada tramo o diámetro e o material do conducto, localización de rexistros, arquetas de derivación ou control, antigüidade aproximada.
• Localizaranse os puntos de abastecemento, especificando tipo (depósito, manancial, estación de tratamento, etc), capacidade, antigüidade e condicións de potabilidade.
Planos de ordenación:
O plan xeral deberá expresar graficamente aquelas das súas determinacións normativas que así o precisen para garanti-lo seu mellor entendemento. Deberán elaborarse obrigatoriamente os seguintes planos de ordenación, nas condicións expresadas neste prego:
Plano de estructura xeral e orgánica do territorio:
Este plano se elaborará sobre a base cartográfica 1/5000, e nel se representarán todos os elementos integrantes de cada un dos sistemas xerais de comunicacións, infraestructuras, equipamentos e espazos libres. Cada elemento deberá quedar debidamente identificado en relación cos listados incluídos na parte escrita do plan xeral.
Este plano pode presentarse independentemente ou fundi-lo seu contido no plano de ordenación do termo municipal.
Plano de ordenación do termo municipal.
Este plano se elaborará sobre a base cartográfica 1/5000, e representará a división do territorio nas diferentes clases e categorías de solo establecidas polo PXOM.
Dentro do solo rústico se diferenciarán as categorías establecidas de acordo co artigo 32 da Lei 9/2002.
Nos núcleos rurais deberá quedar diferenciada a delimitación do núcleo tradicional e da súa área de expansión.
Deberá representarse todo o solo urbanizable, identificando individualizadamente cada un dos sectores de solo urbanizable delimitado.
Dentro do solo urbano se diferenciará o solo urbano consolidado do non consolidado, e se delimitarán os distritos establecidos polo PXOM.
Quedarán debidamente delimitados e cualificados todos os ámbitos destinados polo PXOM a viario, infraestructuras, equipamentos ou espazos libres (sistemas xerais ou dotacións locais), podendo exceptuarse unicamente aqueles que pola súa reducida dimensión só podan visualizarse nos planos de ordenación do solo urbano ou de núcleo rural.
Deberán quedar grafitados e identificados os elementos integrantes do catálogo de bens protexidos.
Así mesmo neste plano deberán quedar grafitadas as liñas delimitadoras das zonas de servidume legal establecidas pola lexislación sectorial en materia de costas, augas, estradas, cemiterios, patrimonio cultural, ou calquera outra de aplicación.
Planos de ordenación dos ámbitos de solo urbano.
Estes planos se elaborarán sobre base cartográfica escala 1/1000, ou no seu defecto 1/2000. Os planos base deberán conte-la información completa sobre alturas das edificacións, topografía dos terreos (incluídos puntos acotados do viario), localización de edificacións ou instalacións singulares, etc.
Os planos de ordenación do solo urbano detallarán todas as determinacións establecidas nos artigos 54 e 55 da Lei 9/2002:
- Para as zonas ordenadas pormenorizadamente: cualificación (ordenanza) correspondente a cada zona, delimitación de espazos libres e ámbitos dotacionais (incluídos os aparcamentos), aliñacións e rasantes da rede viaria e espazos públicos, así como outros datos precisos para completar pormenorizadamente a ordenación (alturas; fondos; usos específicos; zonas singulares como soportais, pasos, etc).
- Para as zonas remitidas a planeamento especial: delimitación do ámbito do plan especial, emprazamento ou no seu caso trazado dos elementos pertencentes a sistemas xerais que estean incluídos nestas zonas; no seu caso, determinacións de ordenación que o PXOM estableza con carácter imperativo para o plan especial.
Os planos recollerán claramente a delimitación dos distritos en que queda dividido o solo urbano de acordo co artigo 49.1 da Lei 9/2002.
Planos de ordenación de sectores de solo urbanizable.
Para o caso de que o PXOM estableza directamente a ordenación dun ámbito de solo urbanizable delimitado (artigo 57.2 da Lei 9/2002), conterá os planos de ordenación necesarios, axustados ás determinacións e condicións esixidas para os plans parciais.
Planos de ordenación dos núcleos rurais.
A ordenación dos núcleos rurais se reflicitirá en documentos independentes das fichas que deses mesmos núcleos figurarán na análise do modelo de asentamento poboacional. Elaboraranse sobre base cartográfica ou ortofotografía escala 1/2000 ou de maior precisión
Os planos expresarán a delimitación de cada núcleo, diferenciando o núcleo tradicional e a súa área de expansión.
Así mesmo expresarán a cualificación diferenciada das parcelas destinadas a espazos libres e dotacións, así como a das diferentes zonas de ordenación que se establezan.
Reflectirán o trazado do viario público, que debe quedar perfectamente identificado a fin de evitar calquera confusión con camiños privados ou servidumes de paso.
Recollerán a localización e identificación dos elementos incluídos no catálogo.
Planos de xestión.
Para o solo urbano e urbanizable, deberán delimitarse os ámbitos de xestión establecidos: áreas de reparto, polígonos, áreas sometidas a dereito de tenteo e retracto, reservas de solo con destino ó patrimonio público de solo, ámbitos para a normalización de fincas, etc.
Igualmente estes planos expresarán a adscrición dos sistemas xerais para efectos da súa xestión. A tal fin, para cada elemento de sistema xeral previsto se expresará a área de reparto na que queda incluído ou adscrito, ou no seu caso que se obterá por expropiación.
Estes contidos poderán recollerse en planos independentes, ou ben incorporados nos planos de ordenación municipal, do solo urbano e dos núcleos rurais. Neste caso, deberá comprobarse que a superposición de informacións e tramas non reduza a comprensión do plano.
Planos de trazado e características das redes de servizos previstas.
O PXOM deberá reflectir o trazado e características dos novos elementos das redes de servizos que teña previsto que se executen en calquera clase de solo.
Estes planos cumprirán os mesmos requisitos expresados para os planos de información sobre servizos.
Deberán quedar especialmente detallados os datos relativos aos sistemas xerais que se deben executar en solo urbanizable e no seu caso en solo urbano non consolidado.

Normas urbanísticas:
A normativa urbanística é a expresión literal dos contidos da ordenación, polo que a súa redacción debe guiarse polo criterio da claridade e seguridade de interpretación. A normativa deberá referirse, alomenos, aos seguintes aspectos :
- Normas de carácter xeral: carácter do PXOM, vixencia, obrigatoriedade, consulta do seu contido, interpretación dos seus documentos, etc.
- Normas sobre usos: clasificación dos usos previstos, expresando as categorías establecidas para cada un deles, e a regulación detallada das condicións de desenvolvemento de cada unha. Se expresarán as condicións de compatibilidade entre usos. A regulación detallada de cada uso deberá atender á lexislación sectorial vixente sobre a materia en cuestión.
- Normas xerais de edificación: regulación xeral das condicións das edificacións, no que atinxe a aspectos dimensionais, accesibilidade, habitabilidade, seguridade, infraestrutura, estética, etc.
- Normas sobre sistemas xerais: regulación das condicións de uso dos terreos destinados a sistemas xerais, así como das limitacións que no seu caso impoñen sobre os terreos colindantes.
- Normas sobre o planeamento de desenvolvemento do plan xeral: prazos e condicións ás que se deben suxeitar os correspondentes instrumentos de desenvolvemento; indicadores para a redacción de plans especiais de protección, rehabilitación e mellora do medio rural; criterios e condicións para o desenvolvemento de plans de sectorización en solo urbanizable non delimitado.
- Normas particulares para cada clase e cualificación de solo (ordenanzas): se establecerán separadamente para cada clase de solo, e dentro de cada unha, para cada cualificación diferente establecida. As ordenanzas deberán ser completas e especialmente claras no seu contido, evitando duplicacións ou contradicións. O réxime de usos debe realizarse por referencia aos tipos e categorías expresados na regulación xeral de usos. Conterán os gráficos que resulten precisos para a súa interpretación ou entendemento.
- Normas referentes a proteccións, condicións de composición ou acabado das edificacións, etc., que resulten de aplicación común a todas ou varias das ordenanzas particulares.
- Condicións para as obras de urbanización: expresarán os requisitos mínimos para os proxectos de urbanización que se redacten. Estes requisitos referiranse tanto ó contido dos proxectos como, especialmente, ás características das propias obras, no relativo a criterios de deseño e construcción de viario, redes de servizos, axardinamento, mobiliario urbano, sinalización, e cantas outras resulten necesarias para garanti-lo axeitamento funcional e estético dos espazos e servizos urbanos. Especificamente se detallarán as prescricións tendentes a dar cumprimento á lexislación en materia de accesibilidade e supresión de barreiras. As normas se acompañarán, preferiblemente, de cantos esquemas ou gráficos resulten precisos para detalla-lo seu contido.
Estratexia de actuación:
A estratexia de actuación, de acordo co artigo 60 da Lei 9/2002, ten por finalidade establece-las previsións para o desenvolvemento coherente do PXOM. Para tal fin debe conter:
- Un listado no que estean recollidas todas as actuacións de desenvolvemento previstas: áreas de solo urbano non consolidado, sectores de solo urbanizable delimitado, novos sistemas xerais e novas dotacións de carácter local.
- Para cada actuación de desenvolvemento urbanístico se expresarán as actuacións infraestruturais que se deben realizar previa ou simultaneamente. Igualmente se expresará, de darse o caso, se existen outras actuacións previstas que dependan da considerada ou que, á inversa, deban ser executadas necesariamente con anterioridade.
- A relación de actuacións urbanísticas preferentes, expresando para cada unha delas o motivo da prioridade (actuación pública programada ou concerto con particulares), os prazos para o seu desenvolvemento e as condicións especificas establecidas para o mesmo.
Estudo económico:
De acordo co artigo 60 da Lei 9/2002, o PXOM debe conter un estudo económico no que se recollerán, para cada unha das actuacións do listado definido na estratexia de actuación, os seguintes extremos:
- Custo económico previsto, expresando o correspondente a obtención de terreos e execución de obras, así como o total.
- Iniciativa de financiamento: privada ou pública. Se é privada expresarase o ámbito de xestión ó que está vencellada. Se é pública se expresará a Administración ou organismo concreto ó que lle corresponde.
Para xustifica-las previsións de financiamento atribuídas ó propio Concello, realizarase unha análise sobre a capacidade financeira municipal baseada nas previsións de ingresos e estimación de capacidades de investimento, ou extrapolando os datos dos presupostos dos últimos exercicios.
Para todas as previsións de financiamento atribuídas expresamente a outras Administracións, o estudo debe incorpora-la documentación coa que quede acreditado o compromiso daquelas.
Catálogo:
Tal como expresa o artigo 75 da Lei 9/2002, o plan xeral deberá incluir un catálogo no que queden recollidos todos aqueles elementos naturais, arquitectónicos, históricos, arqueolóxicos, etnográficos, etc. que merezan someterse a protección para a súa conservación, mellora ou recuperación.
O catálogo incluirá un listado de tódolos elementos que inclúe, debidamente codificados para a súa axeitada localización nos planos de ordenación do PXOM.
De cada elemento se elaborará unha ficha, na que se inclúa:
- Plano de situación, emprazamento e delimitación do ben e das súas áreas de protección perimetrais.
- Fotografías descritivas do seu estado actual, e de ser necesario as históricas precisas.
- Denominación, localización, descrición do ben, estado de conservación, titularidade, valores que presenta.
- Clasificación e cualificación urbanística no PXOM.
- Medidas de protección específica establecidas.


PLAN XERAL DE ORDENACION MUNICIPAL - FICHAS DE NÚCLEOS

NÚCLEO : PARROQUIA :

Nº HABITANTES (poboación de dereito segundo último censo/padrón):

EDIFICACIÓNS EXISTENTES

VIVENDAS TRADICIONAIS (NÚMERO)
RECENTES (POSTERIORES A 1950) (NÚMERO)
DENSIDADE DE VIVENDAS (VIVENDAS/HECTÁREA)
CONSTRUCIÓNS ADXECTIVAS DA VIVENDA (NÚMERO)
NAVES USO AGRÍCOLA (NÚMERO)
USO COMERCIAL/INDUSTRIAL (NÚMERO)
OUTRAS (NÚMERO)

SUPERFICIE MEDIA DE PARCELA :

GRAO DE CONSOLIDACIÓN

SUPERFICIE DO ASENTAMENTO TRADICIONAL DELIMITADO:
PORCENTAXE DE CONSOLIDACIÓN CONFORME A ORDENACIÓN PREVISTA :

SUPERFICIE DA ÁREA DE EXPANSIÓN PREVISTA:


SERVIZOS EXISTENTES

AUGA: (CARACTERÍSTICAS)
SANEAMENTO: (CARACTERÍSTICAS)
ELECTRICIDADE: (CARACTERÍSTICAS)
OUTROS:

ESPAZOS LIBRES E EQUIPAMENTOS EXISTENTES

ZONAS VERDES/ESPAZOS LIBRES: SUPERFICIE TITULARIDADE

EQUIPAMENTOS: TIPO SUPERFICIE TITULARIDADE
TIPO SUPERFICIE TITULARIDADE

ESTADO DA REDE VIARIA PUBLICA

RÚA TIPO PAVIMENTO ESTADO


PLANO (OU ORTOFOTOGRAFÍA) ESCALA 1/2000: debe representar tódalas edificacións existentes, entre as que deben quedar diferenciadas as vivendas, distinguindo entre as de carácter tradicional (como referencia cronolóxica mediados do século XX) e as recentes. Igualmente reflectirá a topografía, parcelario, viario e espazos públicos, equipamentos, elementos de interese e calquera outra información cartográfica de interese. Neste plano se trazará a liña perimetral delimitadora do núcleo, axustada ó disposto no artigo 13 da Lei 9/2002.
FOTOGRAFÍA AÉREA: vertical, preferiblemente en cor, cunha resolución que permita a identificación axeitada das imaxes, e correspondente ó voo máis recente dispoñible. De empregar ortofotografía para reflectir os datos expresados no punto anterior, deberán presentarse dúas imaxes dela, unha sen eses datos e outra con eles.

MODELO DE PREGO DE CLÁUSULAS ADMINISTRATIVAS PARTICULARES


CLÁUSULA PRIMEIRA. Obxecto e calificación

O obxecto do contrato é a realización do servizo de redacción do PXOM do Concello de Baños de Molgas.
O contrato definido ten a calificación de contrato administrativo de servizos, tal e como establece o artigo 10 da Lei 30/2007, de 30 de outubro, de Contratos do Sector Público.

CLÁUSULA SEGUNDA. Procedemento de Selección e Adxudicación

A forma de adxudicación do contrato de servizos de redacción do PXOM será o procedemento aberto, no que todo empresario interesado poderá presentar unha proposición, quedando excluída toda negociación dos termos do contrato, dacordo co artigo 141 de la Ley 30/2007, de 30 de octubre, de Contratos del Sector Público.

Para a valoración das proposicións e a determinación da oferta económicamente máis vantaxosa atenderase a varios criterios directamente vinculados ao obxecto do contrato, de conformidade co artigo 134.1 da Lei 30/2007, de 30 de outubro, de Contratos do Sector Público e co establecido na cláusula novena do presente Prego.


CLÁUSULA TERCEIRA. Perfil de contratante

Co gallo de asegura-la transparenza e o acceso público á información relativa á súa actividade contractual, e sen prexuízo da utilización doutros medios de publicidade, este Concello conta co Perfil de contratante ó que se terá acceso segundo as especificacións que se regulan na páxina web seguinte: www.concellodemolgas.com.

CLÁUSULA CUARTA. Prezo do Contrato

O prezo do presente contrato ascende á contía de 110.725,92 euros; o prezo certo anterior queda desglosado nun valor estimado de 93.009,77 euros e no Imposto sobre o Valor Engadido de 17.716,15 euros.

O prezo abonarase con cargo á partida 40.600 do vixente Orzamento Municipal, que será financiada ó 100% pola Consellería de Política Territorial, Obras Públicas e Transportes, segundo resolución da Dirección Xeral de Urbanismo que establece os seguintes aboamentos parciais.







Fases Previsión temporal Porcentaxe Importe Anualidades
1ºAb. sinatura
contrato redacción 06/2008 20% 22.145,18 € 2008 22.145,18 €
2º Ab. present. inf
previo A.I. 11/2009 20% 22.145,18 € 2009 22.145,18 €
3º Ab. aprb. inicial 05/2010 20% 22.145,18 € 2010 22.145,18 €
4º Ab. aprob. prov 01/2011 20% 22.145,18 € 2011 22.145,18 €
5º Ab. aprob. def. 01/2012 20% 22.145,20 € 2012 22.145,20 €


Entenderase que as ofertas dos licitadores comprenden tanto o prezo do contrato como o Imposto sobre o Valor Engadido e demáis tributos que sexan de aplicación segundo as disposicións vixentes. A cantidade correspondente ó IVE figurará como partida independente.

CLÁUSULA QUINTA. Duración do Contrato

A duración do contrato de servizos será de 42 meses con efectos dende a sinatura do mesmo ata a aprobación definitiva do mesmo.


CLÁUSULA SEXTA. Acreditación da Aptitude para Contratar

Poderán presentar proposicións as persoas naturais ou xurídicas, españolas ou estranxeiras, que teñan plena capacidade de obrar, non estén incursas en prohibicións de contratar, e acrediten a súa solvencia económica, financieira e técnica ou profesional.

1. A capacidade de obrar dos empresarios acreditarase:

a) A capacidade de obrar dos empresarios que foran persoas xurídicas, mediante a escritura ou documento de constitución, os estatutos ou o acto fundacional, nos que consten as normas polas que se regula a súa actividade, debidamente inscritos, no seu caso, no Rexistro público que corresponda, segundo o tipo de persoa xurídica de que se trate.

b) A capacidade de obrar dos empresarios non españois que sexan nacionais de Estados membros da Unión Europea, pola súa inscrición no rexistro procedente dacordo coa lexislación do Estado onde están establecidos, ou mediante a presentación dunha declaración xurada ou un certificado, nos termos que se establezan regulamentariamente, dacordo coas disposicións comunitarias de aplicación.

c) Os demáis empresarios estranxeiros, con informe da Misión Diplomática Permanente de España no Estado correspondente ou da Oficina Consular en cuio ámbito territorial radique o domicilio da empresa.

2. A proba por parte dos empresarios da non concorrenza dalgunha das prohibicións de contratar do artigo 49 da Lei 30/2007, de 30 de outubro, de Contratos do Sector Público, poderá realizarse:

a) Mediante testimonio xudicial ou certificación administrativa, segundo os casos, e cando dito documento non poida ser expedido pola autoridade competente, poderá ser substituído por unha declaración responsable outorgada ante unha autoridade administrativa, notario público ou organismo profesional cualificado.

b) Cando se trate de empresas de Estados membros da Unión Europea e esta posibilidade estea prevista na lexislación do Estado respectivo, poderá tamén substituírse por unha declaración responsable, outorgada ante una autoridade xudicial.

3. A solvencia do empresario:

3.1 A solvencia económica e financieira do empresario poderá acreditarse por un ou varios dos medios seguintes:

a) Declaracións apropiadas de entidades financieiras ou, no seu caso, xustificante da existencia dun seguro de indemnización por riscos profesionais.

b) As contas anuais presentadas no Rexistro Mercantil ou no Rexistro oficial que corresponda. Os empresarios non obrigados a presenta-las contas en Rexistros oficiais poderán aportar, como medio alternativo de acreditación, os libros de contabilidade debidamente legalizados.

c) Declaración sobre o volume global de negocios e, no seu caso, sobre o volume de negocios no ámbito de actividades correspondente ao obxecto do contrato, referido como máximo aos tres derradeiros exercizos dispoñibles en función da data de creación ou de inicio das actividades do empresario, na medida en que se dispoña das referencias de dito volume de negocios.

3.2. Nos contratos de servizos, a solvencia técnica dos empresarios acreditarase por un ou varios dos seguintes medios:
a) Documento no que a empresa licitadora se comprometa a ter como Director do plan, con capacidade suficiente para representala en todo e canto afecte a éste, a un especialista con titulación universitaria de 2º ou 3º ciclo, responsable da dirección do equipo redactor durante o tempo de redacción do plan. Deberá acreditarse a experiencia do Director do plan en proxectos de naturaleza análoga nos que participase. Aportarase a tal efecto certificación detallada na que se exprese:
• Relación de traballos de urbanismo realizados e aprobados definitivamente, tanto a nivel individual como en equipo, diferenciando:
- Figuras de planeamento xeral (plan xeral de ordenación, proxecto de ordenación do medio rural, normas subsidiarias, delimitacións de solo urbano).
- Traballos de planeamento de desenvolvemento (plans parciais, plans de sectorización, plans especiais).
• Traballos de urbanismo en realización no intre da licitación.
• Outros traballos de urbanismo realizados: figuras non aprobadas definitivamente, outro tipo de figuras, etc.
b) A certificación acreditativa da experiencia do Director do plan deberá ser expedida por algún dos seguintes organismos:
• A administración contratante.
• A administración competente para a aprobación do plan ou figura declarada.
• O colexio oficial correspondente.
c) De conformidade có disposto no artigo 84º da Lei 9/2002, a redacción do plan deberá ser realizada por un equipo multidisciplinar formado por un mínimo de tres especialistas con titulación universitaria de 2º ou 3º ciclos, dos que como mínimo, un deles terá que ser arquitecto ou enxeñeiro de camiños, canais e portos. Adxuntarase compromiso expreso de adicación dos membros do equipo á realización dos traballos obxecto de licitación e curriculum detallado cos datos persoais, académicos e profesionais de cada un deles con especial referencia ós extremos indicados no punto a).


CLÁUSULA SÉTIMA. Presentación de Proposicións e Documentación Administrativa

As ofertas presentaranse no Concello, r/ Samuel González Movilla, nº 2, en horario de atención ao público, dentro do prazo de quince días contados a partires do día seguinte ó de publicación do anuncio de licitación no Boletín Oficial da Provincia de Ourense e no Perfil de contratante.

Os interesados poderán pedir información adicional sobre os pregos e a documentación complemantaria facilitada por medios informáticos (perfil do contratante) que se facilitará no prazo máximo de 6 días antes da finalización do prazo de recepción de ofertas.

As proposicións poderán presentarse, por correo, por telefax, ou por medios electrónicos, informáticos ou telemáticos, en calquera dos lugares establecidos no artigo 38.4 da Lei 30/1992, de 26 de novembro, de Réxime Xurídico das Administracións Públicas e do Procedemento Administrativo Común.

Cando as proposicións se envíen por correo, o empresario deberá xustificar a data de imposición do envío na oficina de Correos e anunciar ao órgano de contratación a remisión da oferta mediante télex, fax ou telegrama no mesmo día, consignándose o número do expediente, título completo do obxecto do contrato e nome do licitador.

A acreditación da recepción do referido télex, fax ou telegrama efectuarase mediante dilixencia extendida no mesmo polo Secretario municipal. Sen a concorrencia de ámbolos dous requisitos, non será admitida a proposición se é recibida polo órgano de contratación con posterioridade á data de terminación do prazo sinalado no anuncio de licitación. En todo caso, transcorridos dez días seguintes a esa data sen que se recibira a documentación, ésta non será admitida.

Os medios electrónicos, informáticos e telemáticos utilizables deberán cumprir, ademáis, os requisitos establecidos na disposición adicional décimonovena da Lei 30/2007, de 30 de outubro, de Contratos do Sector Público.

Cada licitador no poderá presentar máis dunha proposición. Tampouco poderá subscribir ningunha proposta en unión temporal con otros se o fixo individualmente ou figurara en máis dunha unión temporal. A infracción destas normas dará lugar á non admisión de tódalas propostas por él subscritas.

A presentación dunha proposición supón a aceptación incondicionada polo empresario das cláusulas do presente Prego.

As proposicións para tomar parte na licitación presentaranse en dous sobres pechados, asinados polo licitador e con indicación do domicilio a efectos de notificacións, nos que se fará consta-la denominación do sobre e a lenda

«Proposición para licitar á contratación do servizo de redacción do PXOM do Concello de Baños de Molgas». A denominación dos sobres é a seguinte:

— Sobre «A»: Documentación Administrativa.
— Sobre «B»: Proposición Económica e Documentación Técnica.

Os documentos a incluir en cada sobre deberán ser orixinais ou copias autentificadas, conforme á Lexislación en vigor.

Dentro de cada sobre, incluiranse os seguintes documentos así como unha relación numerada dos mesmos:
SOBRE «A»
DOCUMENTACIÓN ADMINISTRATIVA

a) Documentos que acrediten a personalidade xurídica do empresario.

b) Documentos que acrediten a representación.
— Os que comparezan ou asinen proposicións en nome doutro, presentarán copia notarial do poder de representación, bastanteado polo Secretario da Corporación.
— Se o licitador fora persoa xurídica, este poder deberá figurar inscrito no Rexistro Mercantil, cando sexa esixible legalmente.
— Igualmente a persoa con poder bastanteado a efectos de representación, deberá acompañar fotocopia compulsada administrativamente ou testimonio notarial do seu documento nacional de identidade.

c) Declaración responsable de non estaren incurso nunha prohibición para contratar das recollidas no artigo 49 da Lei 30/2007, de 30 de outubro, de Contratos do Sector Público.
Esta declaración incluirá a manifestación de atoparse ó corrente do cumprimiento das obrigas tributarias e coa Seguridade Social impostas polas disposicións vixentes, sen prexuízo de ca xustificación acreditativa de tal requisito deba presentarse, antes da adxudicación definitiva, polo empresario a cuio favor se vaia efectuar ésta.

d) Documentos que xustifiquen o cumprimiento dos requisitos de solvencia económica, financieira e técnica ou profesional.
Se a empresa se atopase pendente de clasificación, deberá aportarse o documento acreditativo de presenta-la correspondente solicitude para elo, debendo xustificar o estar en posesión da clasificación esixida no prazo previsto nas normas de desenvolvemento da Lei 30/2007 para a subsanación de defectos ou omisións na documentación.

e) Resgardo acreditativo de constitución da garantía provisional por importe de 3.000 €.

f) As empresas estranxeiras presentarán declaración de someterse á Xurisdición dos Xulgados e Tribunais españois de cualquera orde, para tódalas incidencias que de modo directo ou indirecto poideran xurdir do contrato, con renuncia, no seu caso, ó foro xurisdicional estranxeiro que poidera corresponder ó licitador.

SOBRE «B»
PROPOSICIÓN ECONÓMICA E DOCUMENTACIÓN TÉCNICA

a) Proposición económica.
Presentarase conforme ó seguinte modelo:

«D. _________________________, con domicilio a efectos de notificacións en _____________, r/ ____________________, n.º ___, con DNI n.º _________, en representación da Entidade ___________________, con CIF n.º ___________, enterado do expediente para a contratación do servizo de ___________ por procedemento aberto, oferta económicamente máis vantaxosa, varios criterios de adxudicación, anunciado no Boletín Oficial da Provincia n.º ___, de data _______ e no Perfil de contratante, fago constar que coñezo o Prego que sirve de base ó contrato e o acepto íntegramente, tomando parte da licitación e comprometéndome levar a cabo o obxecto do contrato polo importe de ____________ euros e ___________ euros correspondentes ó Impuesto sobre o Valor Engadido.

En ____________, a ___ de ________ de 2008.

Sinatura do licitador,

Asdo.: _________________.


b) Documentos que permitan á Mesa de Contratación valora-las condicións das ofertas segundo os criterios de adxudicación.

CLÁUSULA OITAVA. Garantía Provisional

Os licitadores deberán constituir unha garantía provisional por importe de 3.000 €, que responderá do mantemento das súas ofertas ata a adxudicación provisional do contrato.

A garantía provisional depositarase:
— Na Caixa Xeral de Depósitos ou nas súas sucursais encadradas nas Delegacións de Economía e Facenda, ou na Caixa ou establecemento público equivalente das Comunidades Autónomas ou Entidades locais contratantes ante as que deban xurdir efecto cando se trate de garantías en efectivo.
— Ante o órgano de contratación, cando se trate de certificados de inmovilización de valores anotados, de avales ou de certificados de seguro de caución.
A garantía provisional extinguirase automáticamente e será devolta aos licitadores imediatamente despois da adxudicación definitiva do contrato. En todo caso, a garantía será retida ó adxudicatario ata que proceda á constitución da garantía definitiva, e incautada ás empresas que retiren inxustificadamente a súa proposición antes da adxudicación.

O adxudicatario poderá aplica-lo importe da garantía provisional á definitiva ou proceder a unha nova constitución desta última, en cuio caso a garantía provisional cancelarase simultáneamente á constitución da definitiva.

CLÁUSULA NOVENA. Criterios de Adxudicación
Para a valoración das proposicións e a determinación da oferta económicamente máis ventaxosa atenderase a varios criterios de adxudicación que se puntuarán en orde decrecente:

1.- Experiencia profesional (ata 45 puntos)

*Experiencia profesional na elaboración de Plans Xerais de Ordenación Urbana ou a súa revisión baixo a vixencia da Lei 9/2002, de 30 de decembro de ordenación urbanística e protección do medio rural de Galicia que alomenos teñan acadado a fase de aprobación inicial: ata 30 puntos

*Experiencia profesional na elaboración doutras figuras de Planeamento, Plans Parciais, Plans Especiais ou plans de sectorización aprobados baixo a vixencia da Lei 9/2002, de 30 de decembro de ordenación urbanística e protección do medio rural de Galicia: ata 10 puntos.

*Experiencia na redacción de Plans Xerais de Ordenación Urbana aprobados durante os últimos 10 anos: ata 5 puntos.

2.- Rebaixa no tipo de licitación (ata 30 puntos).

3.- Calificación do equipo redactor (ata 15 puntos).

* Por incorporación ó equipo redactor de técnicos responsables con título universitario de grado superior en Arquitectura, Ciencias do Medio Ambiente, Biología, Enxeñería de Canais, Camiños e Portos, Dereito e titulacións de análoga natureza ás expresadas: ata 4 puntos.

* Experiencia docente no ámbito universitario ou en outras entidades públicas ou privadas, na impartición de materias directamente relacionadas co obxecto do contrato superior a 10 anos: ata 3 puntos.

* Por realización de cursos de formación en materias directamente relacionadas co obxecto do contrato ou publicación de libros e artigos: ata 3 puntos.

* Polo Grado de adicación dos técnicos responsables á execución do contrato: ata 5 puntos.

4.- Melloras introducidas sobre os requerimentos do Prego de Prescricións Técnicas: ata 10 puntos.


CLÁUSULA DÉCIMA. Mesa de Contratación

A Mesa de Contratación, dacordo co lo establecido no punto 10 da Disposición Adicional Segunda da Lei 30/2007, de 30 de outubro, de Contratos do Sector Público, estará presidida por un membro da Corporación ou un funcionario da mesma, e formarán parte dela, como vogais, o Secretario ou, no seu caso, o titular do órgano que teña atribuída a función de asesoramento xurídico, e o Interventor, así como aqueles outros que se designen polo órgano de contratación entre o persoal funcionario de carreira ou persoal laboral ó servizo da Corporación, ou membros electos da mesma, sen que o seu número, en total, sexa inferior a tres. Actuará como Secretario un funcionario da Corporación.

Conforman a Mesa de contratación:

— D. Eladio Mangana Nóvoa, que actuará como Presidente da Mesa.
— Dª Mª Teresa Espinosa Barrasa, Vogal (Secretario-Interventor da Corporación).
— D. Miguel Ángel Añel Pato, arquitecto técnico municipal.
— D. ___________________, Técnico Superior nomeado pola Dirección Xeral de Urbanismo da C.P.T.O.P.e Transportes.
- Dª Carmen Barbudo Varela.
- D. Rosa Mª Rivas Bouzas.
- D. Jaime Óscar Iglesias Pérez.
- D. Ricardo Jesús Fernández García
— D. Francisco Vila Borrajo, un funcionario do Concello que actuará como Secretario da Mesa.

CLÁUSULA UNDÉCIMA. Prerrogativas da Administración

O órgano de contratación, de conformidade co artigo 194 da Lei 30/2007, de 30 de outubro, de Contratos do Sector Público, ostenta as seguintes prerrogativas:

a) Interpretación do contrato.
b) Resolución das dúbidas que ofreza o seu cumprimento.
c) Modificación do contrato por razóns de interese público.
d) Acorda-la resolución do contrato e determina-los efectos désta.

En todo caso darase audiencia ó contratista, debendo seguirse os trámites previstos no art. 195 da Lei 30/2007, de 30 de outubro.

CLÁUSULA DUODÉCIMA. Apertura de Proposicións e Adxudicación Provisional

A Mesa de Contratación constituirase ó día seguinte hábil tra-la finalización do prazo de presentación das proposicións, ás 12 horas. Calificará a documentación administrativa contida nos sobres «A».

Posteriormente, procederá á apertura e exame do sobre «B», pudendo, nese intre, solicitar informes técnicos considere precisos.

Recibidos os informes, e reunida de novo a Mesa de contratación, realizará a correspondente proposta de adxudicación provisional ó órgano de contratación.

A adxudicación provisional do contrato deberá efectuarse no prazo máximo dun mes dende a apertura das proposicións; debendo notificarse a mesma aos licitadores e publicarse no Boletín Oficial da Provincia e no Perfil de Contratante.
A proposta de adxudicación non crea dereito algún a favor do licitador proposto fronte ó Concello. Non obstante, cando o órgano de contratación non adxudique o contrato dacordo coa proposta formulada deberá motiva-la súa decisión.

CLÁUSULA DECIMOTERCEIRA. Garantía Definitiva

Os que resulten adxudicatarios provisionais dos contratos deberán constituir unha garantía do 5% do importe de adxudicación, excluido o Impuesto sobre o Valor Engadido.

Esta garantía poderá prestarse nalgunha das seguintes formas:

a) En efectivo ou en valores de Débeda Pública, con suxeición, en cada caso, ás condicións establecidas nas normas de desenvolvemento desta Lei. O efectivo e os certificados de inmovilización dos valores anotados depositaranse na Caixa Xeral de Depósitos ou nas súas sucursais encadradas nas Delegacións de Economía e Facenda, ou nas Caixas ou establecementos públicos equivalentes das Comunidades Autónomas ou Entidades locais contratantes perante as que deban xurdir efectos, na forma e coas condicións cas normas de desenvolvemento desta Lei establezan.
b) Mediante aval, prestado na forma e condicións que establezan as normas de desenvolvemento desta Lei, por algún dos bancos, caixas de aforros, cooperativas de crédito, establecementos financieiros de crédito e sociedades de garantía recíproca autorizados para operar en España, que deberá depositarse nos establecementos sinalados na letra a) anterior.
c) Mediante contrato de seguro de caución, celebrado na forma e condicións cas normas de desenvolvemento desta Lei establezan, cunha entidade aseguradora autorizada para operar no ramo. O certificado do seguro deberá entregarse nos establecementos sinalados na letra a anterior.

A garantía non se devolverá ou cancelará ata que se produza o vencemento do prazo de garantía e cumprido satisfactoriamente o contrato.

Esta garantía responderá aos conceptos incluidos no artigo 88 da Lei 30/2007, de 30 de outubro, de Contratos do Sector Público.

CLÁUSULA DECIMOCUARTA. Adxudicación Definitiva

A elevación a definitiva da adxudicación provisional non poderá producirse antes de que transcorran quince días hábiles contados dende o seguinte a aquél no que se publique aquéla no Boletín Oficial da Provincia de Ourense e no Perfil de contratante.

Durante este prazo, o adxudicatario provisional deberá aporta-los documentos acreditativos de estar ó corrente coas súas obrigas tributarias e da Seguridade Social, de constituir a garantía definitiva, e de abonar tódolos anuncios de licitación. Asemade, poderá esixirse motivadamente ó adxudicatario que acredite de novo a súa personalidade e capacidade para contratar.

A adxudicación provisional elevarase a definitiva dentro dos dez días hábiles seguintes a aquél no que expire o prazo de quince días anterior, sempre que o adxudicatario presentara a documentación sinalada e constituíra a garantía definitiva.

Cando non proceda a adxudicación definitiva do contrato ó licitador que resultara adxudicatario provisional por non cumprir éste as condicións necesarias para elo, antes de proceder a unha nova convocatoria o Concello poderá efectuar unha nova adxudicación provisional ó licitador ou licitadores seguintes a aquél, pola orde na que quedaran clasificadas as súas ofertas, sempre que elo fose posible e que o novo adxudicatario prestara a súa conformidade, en cuio caso concederase a éste un prazo de dez días hábiles para cumprimenta-lo sinalado anteriormente.

CLÁUSULA DECIMOQUINTA. Formalización do Contrato

A formalización do contrato en documento administrativo efectuarase dentro dos dez días hábiles seguintes a contar dende a data da notificación da adxudicación definitiva; constituíndo dito documento título suficiente para acceder a cualquer rexistro público.
O contratista poderá solicitar que o contrato se eleve a escritura pública, correndo do seu cargo os correspondentes gastos.
Cando por causas imputables ó contratista no poidera formalizarse o contrato, dentro do prazo indicado, o Concello poderá acorda-la resolución do mesmo, así como a incautación da garantía provisional que no seu caso se constituíra.

CLÁUSULA DECIMOSEXTA. Dereitos e Obrigas do Adxudicatario
O contrato executarase con suxeición ao establecido no seu clausulado e nos pregos, e dacordo coas instruccións que para a súa interpretación dera ao contratista o órgano de contratación.

O contratista será responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para o Concello ou para terceiros das omisións, erros, métodos inadecuados ou conclusións incorrectas na execución do contrato.

Asemade son obrigas específicas do contratista as seguintes:

- O contratista está obrigado a adicar ou adscribir á execución do contrato os medios persoais ou materiais suficientes para elo (artigo 53.2 da Lei 30/2007 de 30 de outubro, de Contratos do Sector Público)
- Gastos esixibles ó contratista. Son de conta do contratista, os gastos e impostos do anuncio de licitación e adxudicación, da formalización do contrato, así como calesquiera outros resulten de aplicación, segundo as disposicións vixentes na forma e contía que éstas sinalen.
- O contratista está obrigado ó cumprimento dos requisitos previstos no artigo 210 da Lei 30/2007, de 30 de outubro, de Contratos do Sector Público para os supostos de subcontratación.

CLÁUSULA DECIMOSÉTIMA. Execución dos traballos

O contrato executarase con suxección ás claúsulas do mesmo e dacordo coas instruccións que para a súa interpretación dicte ó contratista o Concello.


A data de comezo dos traballos será a do día seguinte ó da firma do documento de formalización do contrato. Antes da finalización do prazo e por mutuo acordo das partes, poderá prorrogarse o contrato nos términos sinalados no artigo 279 da LCSP.

O Contratista está obrigado a presentar un programa de traballo que será aprobado polo órgano de contratación. Dito programa deberá presentarse no prazo de 15 días a contar dende a notificación da adxudicación definitiva do contrato.

O adxudicatario indicará os nomes das persoas adscritas á empresa que teñen previsto designar e que cumplan os requisitos que se esixirán no momento da súa aceptación polo Concello. O adxudicatario estará obrigado a asignar para a execución dos traballos a que se refire o presente Prego, ós facultativos que figuren na oferta, coa dedicación definida na mesma. Por conseguinte, durante a vixencia do contrato, o persoal asignado o mesmo con dedicación completa, non poderá intervir noutro traballo.


A execución do contrato realizarase polo contratista coas responsabilidades establecidas no artigo 281 da LCSP.

CLÁUSULA DECIMOOITAVA. Supervisión e coordinación o obxecto da consultoría e asistencia


O Concello designará como supervisor da consultoria e asistencia un director dos traballos, que terá en todo caso unha titulación universitaria de grao superior quen dependerá orgánica e funcionalmente do órgano de contratación, con facultades de comprobación, coordinación e vixilancia da correcta execución do contrato e cantas máis lle asigne o Órgano de contratación dentro das súas competencias. A designación ou non do supervisor e o exercicio ou non polo mesmo das súas facultades non eximirá en ningún caso ó contratista da correcta execución do obxecto do contrato salvo que a deficiencia ou incorreción na execución sexa debida a unha orde ou instrucción directa do mesmo, con expresa reserva escrita feita polo contratista ó supervisro da Consultoría e Asistencia, con remisión de copia polo propio contratista ó órgano de contratación.

O supervisor poderá estar asistido por un máximo de dous técnicos quenes podrán exercer as facultades de aquel en materias propias dos seus coñecementos específicos ( Enxeñería, Arquitectura ou Dereito).

CLÁUSULA DECIMONOVENA. Abono dos traballos

O abono dos traballos realizarase de conformidade co sinalado na resolución de data 7/04/08 do Director Xeral de Urbanismo, de concesión de subvención:

Fases Previsión temporal Porcentaxe Importe Anualidades
1ºAb. sinatura
contrato redacción 06/2008 20% 22.145,18 € 2008 22.145,18 €
2º Ab. present. inf
previo A.I. 11/2009 20% 22.145,18 € 2009 22.145,18 €
3º Ab. aprb. inicial 05/2010 20% 22.145,18 € 2010 22.145,18 €
4º Ab. aprob. prov 01/2011 20% 22.145,18 € 2011 22.145,18 €
5º Ab. aprob. def. 01/2012 20% 22.145,20 € 2012 22.145,20 €

As certificacións para o abono dos traballos efectuados expediranse tomando como base a valoración correspondente e tramitaranse polo representante do órgano de contratación dentro dos dez días seguintes ó periodo de tempo a que correspondan.


CLÁUSULA VIXÉSIMA. Prazo de Garantía


O obxecto do contrato quedará suxeito a un prazo de garantía de 6 meses dende a aprobación definitiva do PXOM.

CLÁUSULA VIXÉSIMOPRIMEIRA. Execución do Contrato

O contrato executarase coa suxeición ao establecido neste prego de condicións e no Prego de Prescricións Técnicas, e dacordo coas instruccións que se darán ao contratista para a súa interpretación polo órgano de contratación.

CLÁUSULA VIXESIMOSEGUNDA. Modificación do Contrato

O Concello poderá modifica-lo contrato por razóns de interese público e para atender a causas imprevistas, xustificando debidamente a súa necesidade no expediente. As modificacións non afectarán as condicións esenciais do contrato.

As modificacións do contrato formalizaranse de conformidade co establecido no artigo 140 da Lei 30/2007, de 30 de outubro, de Contratos do Sector Público.


CLÁUSULA VIXESIMOTERCEIRA. Penalidades por Incumprimento


— Cando o contratista, por causas imputables ao mesmo, incurrira na demora respecto ao cumprimento do prazo total, o Concello poderá optar indistintamente pola resolución do contrato ou pola imposición das penalidades previstas no artigo 196.4 LCSP: de 0,20 € pora cada 1.000 € do prezo do contrato.

Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á resolución do mesmo ou acorda-la continuidade da súa execución con imposición de novas penalidades.

— Cando o contratista, por causas imputables ao mesmo, incumprira a execución parcial das prestacións definidas no contrato, o Concello poderá optar, indistintamente, pola súa resolución ou pola imposición das penalidades establecidas anteriormente.

— Cando o contratista incumplira a adscrición á execución do contrato de medios personais ou materiais suficientes para elo, imporanse penalidades en proporción á gravedade do incumprimento, en contía non superior ó 10% do orzamento do contrato.

As penalidades imporanse por acordo do órgano de contratación, adoptado a proposta do responsable do contrato si se designara, que será imediatamente executivo, e faranse efectivas mediante dedución das cantidades que, en concepto de pago total ou parcial, deban abonarse ao contratista ou sobre a garantía que, no seu caso, se constituíse, cando no poidan deducirse das mencionadas certificacións.

CLÁUSULA VIXESIMOCUARTA. Resolución do Contrato

A resolución do contrato terá lugar nos supostos que se sinalan neste Prego e nos fixados nos artigos 206 e 284 da Lei 30/2007, de 30 de outubro, de Contratos do Sector Público; e acordarase polo órgano de contratación, de oficio ou a instancia do contratista.

Cando o contrato se resolva por culpa do contratista, incautarase a garantía definitiva, sen prexuízo da indemnización polos danos e prexuízos orixinados á Administración, no que excedan do importe da garantía.

CLÁUSULA VIXESIMOQUINTA. Réxime Xurídico do Contrato

Este contrato tén carácter administrativo e a súa preparación, adxudicación, efectos e extinción rexirase polo establecido neste Prego, e para o non previsto nel, será de aplicación a Lei 30/2007, de 30 de outubro, de Contratos do Sector Público e o Real Decreto 1098/2001, de 12 de outubro, polo que se aproba o Regulamento Xeral da Lei de Contratos das Administracións Públicas en todo o que non se opoña á Lei 30/2007; supletoriamente aplicaranse as restantes normas de dereito administrativo e, no seu defecto, as normas de dereito privado.

A Orde Xurisdicional Contencioso-Administrativo será a competente para resolve-las controversias que xurdan entre as partes no presente contrato de conformidade co disposto no artigo 21.1 da Lei 30/2007, de 30 de outubro, de Contratos do Sector Público.
En Baños de Molgas a 19 de maio de 2008
O Alcalde,
Asdo. : Eladio Mangana Nóvoa.

O Concello de Baños de Molgas realizou a obra “Asfaltado camiño dende a estrada de Salgueiros ata a localidade de Alvite”, ó abeiro das Bases reguladoras da convocatoria de concurso para a concesión de subvencións de cooperación para investimentos en servizos mínimos obligatorios dos concellos de poboación inferior a 3.000 habitantes para o ano 2007, financiada ó 50% pola Deputación Provincial e o 50% restante polo Concello, ascendendo a obra a 36.000 €